RTE 25% प्रवेश प्रक्रिया 2023-24 संपूर्ण माहिती
आरटीई अंतर्गत मोफत प्रवेश प्रक्रियेच्या वेळापत्रकाची पालकांची प्रतीक्षा कायम आहे. फेब्रुवारी संपत आला तरी शिक्षण विभागाकडून याबाबत स्पष्टता नसल्याने पालकांची चिंता वाढली आहे. औरंगाबाद जिल्ह्यात यंदा शाळांची संख्या साडेपाचशेच्या आत असून, प्रवेश क्षमतेचा टक्काही कमी झाला आहे. केंद्र सरकारच्या सूचनेनंतर प्रवेशस्तराबाबतच्या नियमावलीत सुधारणा, तांत्रिक बदल यानंतरच प्रक्रिया सुरू होईल, असे अधिकारी सुत्रांनी सांगितले.
वेळापत्रक लांबले तर पुढील प्रक्रिया लांबते. अशा वेळी शाळांमध्ये पात्र शाळांमध्ये प्रवेश मिळणार का, असा प्रश्न पालकांना सतावतो आहे. करोनामुळे प्रवेशाचे वेळापत्रक कोलमडले होते. यंदाही प्रशासकीय गोंधळामुळे प्रक्रियेला विलंब होत असल्याचे पालकांचे म्हणणे आहे. ऑनलाइन अर्ज दाखल करण्यास पालकांना पुरेसा वेळ मिळणार का, प्रक्रिया वेळेत पूर्ण होणार का, असा प्रश्न पालकांकडून उपस्थित केला जात आहे.