📢 RTE 25% प्रवेश २०२६-२७: १ किमीची अट रद्द! अर्ज दुरुस्ती आणि मुदतवाढीबाबत महत्त्वाची सूचना 📢
RTE (Right to Education) अंतर्गत २५ टक्के राखीव जागांवरील प्रवेश प्रक्रियेत राज्य शासनाने अत्यंत मोठा बदल केला आहे. ज्या पालकांनी आपल्या पाल्यांच्या प्रवेशासाठी अर्ज भरले आहेत किंवा जे भरणार आहेत, त्यांच्यासाठी ही बातमी अत्यंत महत्त्वाची आहे.
🌀 १ किलोमीटरची अट रद्द - आता काय करावे?
यापूर्वी पालकांना केवळ १ किमी अंतराच्या आतील शाळा निवडता येत होत्या. मात्र, आता ही अट रद्द करण्यात आली असून, पालकांना आता १ किमी, १ ते ३ किमी आणि ३ किमी पेक्षा अधिक अंतरावरील शाळा निवडता येणार आहेत.
ज्यांनी फॉर्म सबमिट केला आहे त्यांनी काय करावे?
ज्या पालकांनी आधीच फॉर्म सबमिट (Confirm) केला आहे, त्यांच्यासाठी लॉगिनमध्ये 'Unconfirm' करण्याची सुविधा देण्यात आली आहे. पालकांनी आपला फॉर्म 'Unconfirm' करून अधिक अंतरावरील शाळांचे पर्याय निवडून पुन्हा फॉर्म सबमिट करावा.
🗓️ प्रवेश प्रक्रियेचे महत्त्वाचे वेळापत्रक
अर्ज भरण्याची मुदतवाढ: आता बुधवार, १८ मार्च २०२६ पर्यंत पालकांना ऑनलाईन अर्ज भरता येतील.
ऑनलाईन लिंक उपलब्धता: १७ फेब्रुवारी २०२६ पासून पोर्टल सुरू झाले आहे.
📑 अर्ज भरताना लागणारी आवश्यक कागदपत्रे
फॉर्म भरताना खालील कागदपत्रे अपलोड करणे अनिवार्य आहे:
जन्माचा दाखला (बालकाचा).
रहिवासी पुरावा (रेशन कार्ड, वीज बिल, इ.).
भाडे करारनामा: जर भाड्याने राहत असाल, तर दुय्यम निबंधक कार्यालयाचा नोंदणीकृत करारनामा.
जातीचा दाखला: सामाजिक वंचित घटकांसाठी (परराज्यातील दाखला ग्राह्य नाही).
उत्पन्नाचा दाखला: आर्थिक दुर्बल घटकांसाठी (उत्पन्न १ लाखापेक्षा कमी असावे).
दिव्यांग प्रमाणपत्र: अपंगत्व असल्यास अनिवार्य.
👶 प्रवेशासाठी वयाची अट (३१ डिसेंबर २०२६ पर्यंत)
शासकीय नियमानुसार किमान वय खालीलप्रमाणे असावे:
| अ.क्र. | प्रवेशाचा वर्ग | किमान वय |
| १ | प्ले ग्रुप / नर्सरी | ३ वर्षे पूर्ण |
| २ | इयत्ता १ ली | ६ वर्षे पूर्ण |
(टीप: मुख्याध्यापकांना वयामध्ये १५ दिवसांपर्यंत शिथिलता देण्याचे अधिकार आहेत.)
💡 अर्जाबाबत महत्त्वाच्या टिप्स:
पालक जास्तीत जास्त १० शाळांचे पर्याय देऊ शकतात.
गुगल मॅपमध्ये रहिवासाचे स्थान अचूक दर्शवण्यासाठी GPS बलून (Landmark) व्यवस्थित सेट करावा.
अर्ज भरण्यासाठी अधिकृत वेबसाईट:
student.maharashtra.gov.in
प्रसिद्धी व संकलन:
श्री. राजन गरुड सर, पालघर
शैक्षणिक अपडेट्ससाठी फॉलो करा:
पालकांनो, ही माहिती तुमच्या इतर मित्र-मैत्रिणींपर्यंत नक्की शेअर करा जेणेकरून कोणाचेही नुकसान होणार नाही!