बदली पोर्टल वरील अपडेट दिनांक 19 जुलै 2025 पासून दिनांक 22 जुलै 2025 पर्यंत संवर्ग 2 साठी शाळा प्राधान्यक्रम भरण्यास सुविधा पोर्टलवर उपलब्ध असणार आहे.
ऑनलाइन बदली पोर्टल संवर्ग 2 साठी शाळा प्राधान्यक्रम भरण्यास सुविधा पोर्टलवर उपलब्ध!
✳️संवर्ग 2 च्या शिक्षकांनी प्राधान्यक्रम मोबाईलवरून कसा भरावा.
✳️विशेष संवर्ग भाग-2 करिता महत्त्वाचे.
➡️ विशेष संवर्ग भाग 2 च्या शिक्षकांना जिल्ह्यांतील संवर्ग एकच्या बदली प्रक्रियेमध्ये झालेल्या रिक्त , निव्वळ रिक्त जागा व उर्वरित बदली पात्र शिक्षकांच्या जागा प्राधान्यक्रमांमध्ये भरता येतील अर्थातच ह्याच शाळा आपणास पोर्टलवर दिसतील.
➡️ संवर्ग भाग 2 च्या शिक्षकांनी प्राधान्यक्रम भरतांना कमीत कमी 1 शाळा व जास्तीत जास्त 30 शाळा भरणे अनिवार्य आहेत.
*➡️ संवर्ग दोनच्या शिक्षकांनी प्राधान्यक्रम भरण्याकरिता कोणतेही याद्याची शोधा शोध न करता सरळ पोर्टल सुरू होताच पोर्टल वरील प्राधान्यक्रम भरण्याच्या प्रोसेस मधून ज्या तालुक्यातील प्राधान्यक्रम भरायचे आहे ते तालुके निवडावेत व त्यातील सर्व शाळांची यादी करावी त्या यादीतील शाळां चा 30 प्राधान्यक्रम तयार करावा व नंतर पोर्टलवर भरावा त्यामुळे आपला याद्यांची शोधाशोध करण्याचा वेळ वाचेल.
*✳️ विशेष संवर्ग भाग 2 च्या शिक्षकांनी मोबाईल वरून प्राधान्यक्रम खालील प्रमाणे भरावा.
https://ott.mahardd.com/
*➡️ वरील लिंक वर क्लिक करावे क्लिक केल्यानंतर आपला मोबाईल नंबर व आपल्या मेसेज बॉक्समध्ये आलेला OTP टाकावा त्याखालील कॅप्च्या टाकून पोर्टल लॉगिन करावे.
*➡️ मोबाईलच्या स्क्रीनच्या डावीकडे वरच्या कोपऱ्यात आडव्या तीन रेषा दिसतात. त्या तीन रेषांवर क्लिक केल्यानंतर आपल्यासमोर जे ऑप्शन दिसतील . त्यापैकी आपण "Intra district" या टॅब वर क्लिक केल्यानंतर त्याखालील "application form" हा टॅब दिसेल त्या टॅबला क्लिक करा.
*➡️ त्यानंतर तुम्हाला स्क्रीनवर application type व action असे दोन ऑप्शन दिसतील.
➡️ Cadre 2 च्या समोर view application चा tab दिसेल application tab वर क्लिक केले की.
*➡️ Cadre 2 application form वर फॉर्म भरणाऱ्या शिक्षकाची खालील माहिती स्क्रीनवर दिसेल त्यावर.
*शिक्षकाचे नाव.
*आडनाव.
*शाळेचा Udise Number.
*शिक्षकाचा shalarth ID.
*ही माहिती आपणास दिसेल यामध्ये आपण कोणताही बदल करू शकणार नाही ही माहिती आपणास read only mode मध्ये दिसेल.
*➡️ त्याखाली आपणास आपल्या जोडीदाराच्या व आपल्या शाळेतील अथवा कार्यालयातील अंतर दिसेल ते अंतर निश्चितच 30 किलोमीटरच्या वर असेल.
*➡️ त्याखाली आपणास आपला व्याख्येतील प्राधान्यक्रमानुसार उपप्रकार दिसेल.
*➡️ त्यानंतर आपणास आपल्या जोडीदाराचा शालार्थ आयडी किंवा आपल्या जोडीदाराचा मोबाईल क्रमांक दिसेल.
*➡️ आपल्या जोडीदाराचे नाव दिसेल.
*➡️ त्यानंतर आपला जोडीदार ज्या शाळेत कार्यरत आहे त्या शाळेचा युडायस क्रमांक दिसेल.
*➡️ त्यानंतर आपल्या जोडीदार ज्या शाळेत कार्यरत असेल त्या शाळेचे नाव दिसेल.
*➡️ वरील सर्व ही माहिती आपण पूर्वीच पोर्टलवर अपडेट केल्यामुळे ती या स्थितीत read only mode मध्ये असेल ती माहिती बदलता येणार नाही.
*➡️ त्याखाली आपणास प्राधान्यक्रम निवडण्याबाबत पर्याय निवडा अशी सूचना दिसेल.
*पर्याय निवडण्यासाठी add preferences या टॅब वर क्लिक केल्यानंतर.
*➡️ खालील लाल रंगाच्या रकान्यामध्ये आपणास कमीत कमी 1 व जास्तीत जास्त 30 प्राधान्यक्रम निवडण्यासंदर्भात सूचना दिसेल.
*➡️ याचाच अर्थ विशेष संवर्ग भाग 2 शिक्षकांना कमीत कमी 1 प्राधान्यक्रम निवडणे आवश्यक आहे व जास्तीत जास्त 30 प्राधान्यक्रम आपण निवडू शकता
*➡️ प्राधान्यक्रम भरतांना त्याखालील drop down मेनू मधून तालुका निवडावा व त्याखालील drop down मधून शाळा निवडावी.
➡️ शाळा निवडल्यानंतर आपणास त्या शाळेमधील.
*किती मंजूर पदे.
*किती कार्यरत पदे.
*शाळेतील रिक्त पदे.
*समानीकरणाअंतर्गत ठेवलेली पदे.
*बदली पात्र शिक्षकांची पदे
*ह्या सर्व शाळा निहाय संख्या दिसतील
*➡️ Add tab वर क्लिक केली की आपण निवडलेली शाळा आपल्या प्राधान्यक्रमामध्ये ऍड केली जाईल.
*➡️ आपल्या प्राधान्यक्रमामध्ये प्रत्येक शाळा ऍड करताना add केलेली शाळा save करणे अनिवार्य आहे.
*➡️ Add केलेली प्रत्येक शाळा save या tab वर क्लिक करून save करावी.
*➡️ आपण निवडलेला पर्याय जर आपणास नको असेल तर × या चिन्हावर क्लिक करून do you want to remove selected School हा pop up दिसेल त्याखाली yes वर क्लिक केले की निवडलेली शाळा पर्यायातून delete केली जाईल.
*➡️ अशा पद्धतीने प्रत्येक शाळा जोडतांना add preferences वर क्लिक करून शाळा add करावी व शाळा add केल्यानंतर save करावी.
*➡️ अशा पद्धतीने आपणास आवश्यक तेवढ्या शाळा प्राधान्यक्रमात भरल्यानंतर आपल्याला आपला application form submit करणे आवश्यक आहे त्याकरिता त्याखालील submit tab वर क्लिक करून आपला फॉर्म submit करावा आपण फॉर्म submit न केल्यास आपल्या प्राधान्यक्रमाचा विचार केला जाणार नाही.
*➡️ यानंतर आपल्या लॉगिन केलेल्या मोबाईल नंबर वर पुन्हा एक ओटीपी येईल तो ओटीपी सबमिट केल्यानंतर आपला प्राधान्यक्रम भरण्याची प्रक्रिया पूर्ण होईल.
*➡️ संपूर्ण application form भरून सबमिट केल्यानंतर व मोबाईलवर ओटीपी आल्यानंतर आपला application form आपल्या रजिस्टर ईमेलवर पीडीएफ स्वरूपात आपणास आपला ई-मेल अपडेट असेल प्राप्त होईल.
*➡️तसेच आपणास जर आपण भरलेल्या प्राधान्यक्रमाची pdf print लागत असेल तर पुन्हा पोर्टल लॉगिन करून application form आल्यानंतर आपणास download टॅब दिसेल त्या ठिकाणावरून आपला फॉर्म आपण डाऊनलोड करू शकता.
*➡️ वरील माहितीतील प्रत्येक मुद्द्यांशी आपण सहमत असालच असे नाही त्याकरिता प्राधान्यक्रम भरताना शासन आदेशाचा अभ्यास करून निर्णय घ्यावा.
➡️दिलेल्या मुदतीत फॉर्म सबमिट करुन काही चुका झाल्यास किंवा प्राधान्यक्रम बदलायचा असल्यास पुन्हा Withdraw करु शकणार आहात.मुदत संपण्यापूर्वी फॉर्म सबमिट झालेला असेल तरच तुमचे पसंतीक्रम विचारात घेतले जातील.
➡️ वरील माहिती ही फक्त मार्गदर्शनपर आहे प्राधान्यक्रम भरताना शासन आदेशाचा अभ्यास करून निर्णय घ्यावा.
*संजय नागे दर्यापूर
*9767397707
बदली प्रक्रिया अपडेट...
विशेष संवर्ग-१ बदली झालेली शाळा जाहीर होणे ही प्रक्रिया पूर्ण झाल्यानंतर विशेष संवर्ग- २ चे अर्ज १९ जुलैपासून भरण्यापूर्वी अद्ययावत रिक्त जागा स्थिती जाहीर करावी लागते. आज १८ जुलै सायं ७.३० पर्यंत राज्यातील चंद्रपूर वगळता अन्य ३३ जिल्ह्यांनी रिक्त जागांची माहिती बदली पोर्टलवर अद्ययावत केली आहे.
फक्त चंद्रपूर जिल्ह्याने रिक्त जागा ची माहिती अद्यापपर्यंत अद्ययावत केलेली नाही.